krutti

1.7.2008 | 09:22

Óhæfir rekstraraðilar á Hellishólum

Ég verð að segja að ég varð fyrir miklum vonbrigðum með fyrstu kynni mín af því að fara á Hellishóla. Við fórum um helgina á Hellishóla þar sem okkur sýndist staðurinn hafa mikið uppá að bjóða, Staðsetningin ágæt og að því er virtist vel staðið að málum, en annað átti eftir að koma í ljós, Þetta byrjaði með því að það var okrað á okkur með gistingu fyrir tvær nætur en það kostaði 6000 kr fyrir okkur Möggu og krakkana 3, okkur var sagt jú það er svo margt inni í þessu sko “ það eru heitir pottar sem allir mega fara í og svo kostar sko ekkert í sturturnar, jú það voru heitir pottar þarna sko tveir sem voru alltaf fullir enda mikið af fólki sem hafði látið blekkjast með að fara þarna, jú sturtur voru til staðar tvær karlamegin, held að það sé sama hjá konunum, þið getið ímyndað ykkur hvort þetta dugi fyrir kannski 5-600 manns. Jú svo var líka þetta frábæra rafmagnstengi sem við borguðum 1000 kr fyrir það væri sko alveg pottþétt. Við tókum eftir því stuttu eftir að vð vorum búin að koma okkur fyrir að það byrjaði vesen með rafmagnið, sló allt út og við urðum að kynda allt með gasinu ( en aðalástæðan fyrir því að við kaupum rafmagnstengingu er að þá þurfum við ekki að nota gasið ) Ég hélt hreinlega að þetta væri bara smá tilfallandi vesen en annað átti eftir að koma í ljós, rafmagnið fór með reglulegu millibyli og var lengst inni í svona 40 mínútur ímynda ég mér, um nóttina var rafmagnið ekkert inni og við þar af leiðandi að kynda með gasinu. Ég ákveð að hringja daginn eftir í staðarhaldarann, ( geri ráð fyrir að ég hafi verið að tala við staðarhaldarann þar sem ég bað sérstaklega um yfirmanneskjuna ) og spurði hvort ég ætti að koma til þeirra til að fá endurgreiðslu fyrir rafmagnið eða hvort þau vildu koma með greiðsluna til mín. Þá fékk ég albestu skýringu sem ég hef heyrt lengi þ.e.s. ég ætti sko barasta að vera ánægður með það að ég hafi haft eitthvað rafmagn þau væru búin að vera alla nóttina að vesenast í þessu og ég skildi bara vera ánægður hún byrjaði strax með að æsa sig vildi greinilega ekkert við mig tala, ég sagði þá við hana að þau væru greinilega ekki að vina vinnuna sýna ( hefði kannski mátt orða það öðruvísi ) þá skellti kellingin á mig, humm ég ákvað að hringja til baka og sagði fyrirgefðu ég held að það hafi slitnað samtalið áðan eða skelltirðu kannski á ? spurði ég, kellingin sagði þá að hún hafi skellt á mig þar sem ég hafi verið með dónaskap, ( ef að aðili sem er í þjónustu getur ekki tekið við krítík ætt hún að snúa sér að öðru) málið væri að það væru svo margir sem tengdu sig inn á fjöltengi við að það slægi allt út, ég spurði í fyrsta lagi hvort henni fyndist þetta vera eðlileg vinnubrögð að skella á viðskiptavin og hinsvegar hvort ég ætti þá bara að vera ánægður með að borga fyrir rafmagnið þar sem einhverjir aðilar úti á svæðinu væru að tengja sig inná lögnina þannig að hún þyldi ekki álagið, enn og aftur sagði hún bara já ég ætti bara að sætta mig við það og skellti aftur á mig. Mér finnst það ekki líklegt að þessi kona myndi sætta sig við það að fara út að borða og að náunginn á næsta borði æti meirihlutann af steikinni hjá henni og hún þyrfti að borga fyrir steikina þar sem steikin hafi verið svo góð og að þetta væri bara frekja í henni ef að hún myndi kvarta. Ég verð að segja það að ég var EKKI ókurteis við þessa konu hringdi einfaldlega til að fá endurgreiðslu þar sem ég fékk ekki það sem ég keypti ( geri ráð fyrir að fleiri hafi gert slíkt hið sama ) Þessi manneskja ætti alls ekki að vera í svona þjónustuhlutverki þar sem það er greinilegt að hún er ekki starfi sýnu vaxin. Þessi staður hefur upp á margt að bjóða það er ekki spurning, en það þarf klárlega að skipta út aðilum sem reka staðinn þannig að staðurinn fái að njóta sýn, einnig þyrfti að bæta töluvert við af salernum þar sem þau sem eru út á svæðinu duga engan vegin fyrir allan þennan fjölda. Ég ætla að vona að þessi manneskja sem þetta rekur komi til með að taka til í eigin húsi og breyta framkomu sinni gagnvart viðskiptavinunum, ég veit að ég hef ekki áhuga á að fara á þennan stað aftur og mun láta alla vita sem í kringum mig er af hvernig móttökur maður fær hjá þessum aðilum. Ég mun senda þetta bréf til staðarhaldara einnig mun ég setja þetta inn á netið þannig að aðrir geti lesið hvernig tekið sé á móti manni á Hellishólum